taqalgani
Fitch UzAuto Motors reytingini «BB»ga oshirdi: 2025-yilda qariyb 400 ming avtomobil sotilgan
Fitch Ratings UzAuto Motors kredit reytingini «BB-»dan «BB»ga oshirdi, prognoz «barqaror» darajasida saqlanib qoldi. Kompaniya 2025-yilda qariyb 400 mingta avtomobil sotgan, tushum 4,1 mlrd dollarni tashkil etgan.
Xalqaro reyting agentligi Fitch Ratings UzAuto Motors kredit reytingini «BB-»dan «BB»ga ko'tardi. Prognoz — «barqaror». Shu bilan birga kompaniyaning mustaqil kredit profili ham «b-»dan «b»ga yaxshilangan.
Agentlik ma'lumotlariga ko'ra, 2025-yilda kompaniya qariyb 400 mingta avtomobil sotgan. Ichki bozorda bitta avtomobilning o'rtacha narxi o'tgan yilning iyul oyidagi 10 ming dollardan 10,6 ming dollargacha oshgan. Kompaniya tushumi 4,1 mlrd dollarni tashkil etdi.
Fitch 2026-2029-yillarda UzAuto Motorsning erkin pul oqimi ijobiy bo'lishini kutmoqda. Shuningdek, agentlik 2026-yildan boshlab kompaniya aholiga avtomobil xaridini to'g'ridan-to'g'ri moliyalashtirish amaliyotidan voz kechishini taxmin qilgan.