Maxfiylik siyosati
Qisqasi: saytni yaxshilash uchun anonim statistika yig'amiz. Hisobingiz bo'lsa — kirish uchun kerakli ma'lumot, siz qo'ygan eslatmalar hamda avtomobilingiz modeli, yili va hujjat muddatlarini saqlaymiz. Mashinangizni garajga qo'shsangiz — uning ma'lumoti (davlat raqami ixtiyoriy) hisobingizda saqlanadi va siz tanlagan darajada ko'rsatiladi. Texpasportingiz bizga umuman kelmaydi. Ma'lumot sotilmaydi.
Tahrir: 14.09.2026.
Kim biz
taqalgani.uz sayti, @taqalgani Telegram kanali va Telegram boti. Savol yoki so'rov bo'lsa — botdagi «Adminga yozish» orqali.
Hisobsiz tashrif: anonim statistika
Birinchi tashrifda brauzeringizga tasodifiy raqamli cookie beriladi. Shu raqam bilan quyidagilar yoziladi:
- qaysi sahifa ochilgani (e'lon, model, maqola, bo'lim);
- saytga qayerdan kelingani — reklama belgisi yoki havola bergan sayt nomi;
- qurilma turi — telefon, planshet yoki kompyuter;
- saytdagi qidiruv so'zi va Telegramga o'tish.
Yozilmaydi: ismingiz, telefon raqamingiz, aniq joylashuvingiz. IP manzil faqat saytni sun'iy so'rovlardan himoya qilish uchun bir daqiqa xotirada turadi va bazaga yozilmaydi.
Rad etish: sahifa pastidagi xabarda «Rad etish» ni bossangiz, shu brauzerdan boshqa hech narsa yuborilmaydi.
Hisob bilan: ro'yxatdan o'tganda
- Google orqali — Google tasdiqlagan ismingiz va email manzilingiz.
- Telegram orqali — Telegram ID, ismingiz, foydalanuvchi nomingiz va ulashsangiz — telefon raqamingiz (Telegram o'zi tasdiqlaydi).
- Rozilik bergan sanangiz va shu siyosatning tahriri.
- Reklama uchun rozilik — alohida va ixtiyoriy; bermasangiz, hisobingiz baribir to'liq ishlaydi.
Kirganingizdan keyin shu brauzerdagi oldingi anonim statistika ham hisobingizga bog'lanadi.
Profil
Texpasport faqat sizning brauzeringizda saqlanadi va bizga yuborilmaydi — hisobga kirgan bo'lsangiz ham. Avtomobil raqami ham brauzerda qoladi; faqat mashinani garajga o'zingiz qo'shsangiz, u hisobingizda saqlanadi. «Jarimani tekshirish» tugmasi telefoningizning SMS ilovasini rasmiy xizmat raqamiga ochadi. Eng yaqin yoqilg'i shoxobchasini topish uchun joylashuvingiz taxminiy holda yuboriladi, faqat javob hisoblanadi va hech qayerga yozilmaydi.
Ochiq profil va garaj
Hisobingizning ochiq profili (taqalgani.uz/@nom) bor — u
sukutda ochiq: foydalanuvchi nomingiz, rasmingiz, garajingiz,
e'lonlaringiz va postlaringiz ko'rinadi. Xohlasangiz kabinetda
«Yopiq profil» ni yoqasiz va profilni hech kim ko'rmaydi. Unda nima
ko'rinishini — garaj, davlat raqami, e'lonlar, viloyat, ism — kabinet
sozlamalarida tanlaysiz: hammaga, faqat hisobga kirganlarga yoki faqat
o'zingizga. Telefon raqamingiz hech qachon hammaga ochiq bo'lmaydi:
yoqsangiz ham faqat hisobga kirgan foydalanuvchilarga, tugma ortida va
kunlik cheklov bilan beriladi. Texpasport hech qachon ko'rsatilmaydi.
Garajdagi rasmlardan joylashuv ma'lumoti (EXIF) o'chiriladi.
Hisobga kirgan bo'lsangiz, avtomobil modeli, yili va hujjat muddatlari (sug'urta, tonirovka, haydovchilik guvohnomasi, ishonchnoma) hisobingizda saqlanadi — boshqa qurilmada ham ko'rinishi va muddat yaqinlashganda Telegram orqali eslatish uchun. Siz qo'ygan eslatmalar (masalan, «Cobalt 2019 ga arzon e'lon chiqsa xabar ber») ham shu yerda turadi. Kirmagan bo'lsangiz, model, yil va muddatlar ham faqat brauzeringizda qoladi.
Nima uchun ishlatamiz
- Saytni, qidiruvni va bo'limlarni yaxshilash — nima foydali, nima ishlatilmayotganini bilish.
- Siz o'zingiz so'ragan eslatmalar — masalan, kerakli modelga arzon e'lon chiqqani yoki hujjat muddati yaqinlashgani haqida.
- Reklama roziligi berganlarga — qiziqishiga mos takliflar.
Kimga beriladi
- Ma'lumot sotilmaydi.
- Google va Telegram — faqat kirishni tasdiqlash uchun.
- Reklama platformalariga faqat reklama roziligi bergan foydalanuvchilar ma'lumoti, shifrlangan (xesh) ko'rinishida uzatilishi mumkin.
- Qonun talab qilgan hollarda — vakolatli organlarga.
Qancha saqlanadi
- Anonim statistika — 13 oy, keyin o'chiriladi.
- Hisob — o'zingiz o'chirguningizcha. O'chirilganda shaxsiy ma'lumotlar darhol o'chiriladi, statistika esa ismsiz qoladi. Shifrlangan zaxira nusxalarida ular eskirib almashguncha qolishi mumkin.
Cookie va brauzer xotirasi
| Nomi | Nima uchun | Muddati |
|---|---|---|
tq_id | Tasodifiy tashrifchi raqami (anonim statistika) | 13 oy |
tq_s | Hisobga kirgan holatingiz | 6 oy |
tq_rad | Statistikani rad etganingizni eslab qolish | 1 yil |
tq_xabar | Statistika haqidagi xabar ko'rsatilganini eslab qolish | 1 yil |
| Brauzer xotirasi | Profil (avtomobil, muddatlar) va tanlangan mavzu | O'chirguningizcha |
Huquqlaringiz
- Hisobingizdagi ma'lumotni ko'rish va yuklab olish.
- Hisobni o'chirish — Profil bo'limida.
- Reklama roziligini istalgan paytda qaytarib olish.
- Anonim statistikani rad etish — sahifa pastidagi xabarda.
Savol bo'lsa, bot orqali yozing.
O'zgarishlar
Siyosat o'zgarsa, shu sahifadagi tahrir sanasi yangilanadi. Muhim o'zgarishda kirishda rozilik qayta so'raladi.